Msanii wa filamu za maigizo nchini, Elizabeth Michael ‘Lulu’, leo
amepandishwa tena kizimbani mara ya tatu katika kesi ya mauaji ya
Kanumba inayomkabili ambapo mawakili wanaomtetea wakiongozwa na Kennedy
Fungamtama waliwasilisha ombi la kurekebisha umri wa mshitakiwa huyo
kuwa miaka 17 na si 18 kama ilivyowasilishwa mahakamani hapo.
Fungamtama na jopo lake walisema mteja wao ni mtoto mdogo hivyo kesi
hiyo ipelekwe mahakama ya watoto na kuwasilisha cheti kinachoonesha ana
umri wa miaka 17. Upande wa mashitaka umetupilia mbali ombi hilo na
kudai cheti kilichowasilishwa kina mapungufu kadhaa likiwemo jina la
Dyana ambalo halijawahi kusikika likitumiwa na mshitakiwa huyo
Katika hali ya kustaajabisha!!
IMEBAINIKA kuwa wasanii wawili maarufu, Elizabeth Michael ‘Lulu’ na
Kajala Masanja ambao sasa wako katika matatizo wakikabiliwa na tuhuma
mbili tofauti sasa wamemgeukia Mungu.
Inasemekana kuwa mara baada ya kukutana gerezani na
kuombewa na waumini wa Kanisa la Efatha wamekuwa wakishinda wakisoma
Biblia.
Habari zinasema licha ya kusoma kitabu hicho kitakatifu kwa waumini wa
Kikristo, wasanii hao wamekuwa wakivaa rozali wakati wote badala ya
cheni za dhahabu ambazo walikuwa wakivaa walipokuwa uraiani.
“Hivi sasa wamekuwa wakining’iniza rozali shingoni badala ya kuvaa
mikufu ya dhahabu, na wamekuwa wakisoma sana Biblia wakiamini kuwa Mungu
atawasaidia katika matatizo yao, hakika nakuhakikishia kuwa sasa
wamebadilika sana,” kilisema chanzo hicho.
No comments:
Post a Comment